Usajili wa umiliki wa chombo cha moto unamtaka mtu awe na miaka 18 na zaidi ili aweze kusajiliwa kama mmiliki wa chombo cha moto, na miaka 14 na zaidi ili kusajiiwa kama mmiliki wa pikipiki. Zaidi ya hayo usajili unafanyika kwa watu wenye akili timamu tu.

Utaratibu wa Usajili Vyombo vya Moto

Nyaraka zifuatazo zinapaswa kuwasilishwa kwenye ofisi ya Mamlaka ya Mapato Tanzania:

• Fomu ya maombi ya usajili wa vyombo vya moto (MV 10) iliyojazwa kwa usahihi na mwombaji
• Tamko la forodha: Waraka Mmoja wa Usimamizi Tanzania na kibali cha kuruhusu kutoa mzigo
• Hati ya malipo ya benki kuthibitisha ushuru uliolipwa.
• Nakala ya hati yako ya namba ya utambulisho wa mlipa kodi
• Hati ya kufuta usajili au kadi ya usajili (magari yaliyotumika)
• Barua ya polisi wa kimataifa (kama gari limeingizwa kutoka kwenye nchi mwanachama wa Jumuiya ya Nchi za Kusini mwa Afrika
• Ankara ya kodi (kama gari limenunuliwa kwa muuza magari wa ndani)

Kila mtu anayemiliki chombo cha usafiri atapaswa kutoa maombi kwa kujaza fomu MV 10 kwa ajili ya usajili wa chombo husika, isipokuwa katika yafuatayo:

• vyombo vya usafiri vinavyomilikiwa na serikali,
• Jeshi la Wananchi wa Tanzania,
• Mashirika ya kimataifa
• Ofisi za kidiplomasia au balozi ndogo

Utaratibu wa kufuata pindi mmiliki wa vyombo vya moto anapopotelewa na Kadi.

1. Kutoa tangazo kwenye gazeti kuhusu kupotelewa na kadi ya gari akitaja namba ya gari na mahali ilipopotelea.

2. Atume barua kwa Meneja wa Mapato Mkoa akiomba kupatiwa nakala ya kadi.

3. Atatakiwa kujaza Fomu ya maombi – MV 40, akiambatanisha na: -

(i) Nakala ya tangazo alilotoa katika gazeti

(ii) Taarifa ya Polisi kuhusu kupotea kwa Kadi ya usajili wa gari

(iii) Taarifa ya ukaguzi wa gari toka Polisi

(iv) Nakala halisi ya kitambulisho kimojawapo (Leseni ya udereva, Kitambulisho cha Taifa, hati ya kusafiria au Kadi ya mpiga kura. Aidha, atatakiwa kuleta nakala moja ambayo itakuwa imegongwa muhuri na Wakili aliyesajiliwa Kisheria/Hakimu.

(v) Kiapo cha Mahakama kuhusu umiliki wa gari na kutaja namba ya gari lake.

(vi) Gari itatakiwa kuletwa katika ofisi za TRA kwa ajili ya kukaguliwa na Afisa wa TRA.

(vii) Picha ya Mmiliki wa gari Pasipoti size iliyopigwa siku za karibuni.

(viii) Namba ya simu anayotumia na ambayo itahakikiwa kuwa ni ya kwake.

(ix) Kivuli cha Kadi ya gari iliyopotea

(x) Endapo TRA haitapokea pingamizi lolote Baada ya siku 30 tangu kutolewa tangazo kwenye gazeti juu ya kupotelewa Kadi ya gari mhusika atajulishwa na atatakiwa kulipia Ada ya shilingi 70,000 na kupatiwa nakala ya Kadi husika.

Ada ya usajili wa chombo cha Moto kwa mara ya kwanza pamoja na ada za leseni ya chombo cha moto yanayotumia nishati aina zote